ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਦੇ ਚੋਣ ਨਤੀਜੇ - ਜਲੰਧਰ

 

ਜਲੰਧਰ 'ਚ ਕਾਂਗਰਸ ਵਲੋਂ ਪ੍ਰੀਸ਼ਦ ਤੇ ਸੰਮਤੀ ਚੋਣਾਂ 'ਚ ਹੂੰਝਾ ਫੇਰ ਜਿੱਤ

 

-ਮੇਜਰ ਸਿੰਘ-
ਜਲੰਧਰ, 22 ਸਤੰਬਰ-ਜਲੰਧਰ ਜ਼ਿਲ੍ਹੇ ਦੇ ਪੰਚਾਇਤੀ ਅਦਾਰਿਆਂ ਦੀਆਂ ਚੋਣਾਂ ਦੇ ਅੱਜ ਐਲਾਨੇ ਨਤੀਜਿਆਂ ਵਿਚ ਕਾਂਗਰਸ ਨੂੰ ਜ਼ਿਲ੍ਹਾ ਪ੍ਰੀਸ਼ਦ 'ਚ ਹੂੰਝਾ ਫੇਰ ਜਿੱਤ ਹਾਸਲ ਹੋਈ ਹੈ ਅਤੇ 21 ਜ਼ੋਨਾਂ ਵਿਚੋਂ 19 ਜ਼ੋਨਾਂ 'ਚ ਕਾਂਗਰਸੀ ਉਮੀਦਵਾਰ, ਜੇਤੂ ਰਹੇ ਹਨ ਜਦਕਿ ਕੰਦੋਲਾ ਤੇ ਗੰਨਾ ਪਿੰਡ ਜ਼ੋਨ ਤੋਂ ਬਸਪਾ ਦੇ ਉਮੀਦਵਾਰਾਂ ਨੂੰ ਸਫ਼ਲਤਾ ਨਸੀਬ ਹੋਈ ਹੈ | ਜ਼ਿਲ੍ਹੇ ਦੀਆਂ 11 ਬਲਾਕ ਸੰਮਤੀਆਂ ਦੇ 191 ਮੈਂਬਰ ਚੁਣੇ ਜਾਣ ਲਈ ਆਏ ਨਤੀਜੇ ਵਿਚ ਕਾਂਗਰਸ ਨੂੰ 127, ਅਕਾਲੀ ਦਲ ਨੂੰ 31, ਬਸਪਾ ਨੂੰ 11 ਤੇ 22 ਆਜ਼ਾਦ ਉਮੀਦਵਾਰ ਜੇਤੂ ਰਹੇ, ਜਦਕਿ 'ਆਪ' ਦਾ ਇਨ੍ਹਾਂ ਚੋਣਾਂ ਵਿਚ ਕਿਧਰੇ ਖ਼ਾਤਾ ਵੀ ਨਹੀਂ ਖੁੱਲ੍ਹ ਸਕਿਆ | ਕਮਿਊਨਿਸਟ ਪਾਰਟੀਆਂ ਵਲੋਂ ਕੁਝ ਉਮੀਦਵਾਰ ਖੜ੍ਹੇ ਕੀਤੇ ਗਏ ਸਨ, ਪਰ ਉਨ੍ਹਾਂ ਨੂੰ ਵੀ ਸਫ਼ਲਤਾ ਨਹੀਂ ਮਿਲੀ | ਵਿਧਾਨ ਸਭਾ ਚੋਣਾਂ ਵਿਚ 9 ਵਿਚੋਂ 4 ਹਲਕਿਆਂ 'ਚ ਜਿੱਤਣ ਵਾਲੇ ਅਕਾਲੀ ਦਲ ਨੂੰ ਇਸ ਵਾਰ ਭਾਰੀ ਨਮੋਸ਼ੀ ਦਾ ਸਾਹਮਣਾ ਕਰਨਾ ਪਿਆ ਹੈ | ਸਿਰਫ਼ ਆਦਮਪੁਰ ਹਲਕੇ ਦੀ ਸੰਮਤੀ 'ਚ 7 ਮੈਂਬਰ ਜਿੱਤੇ ਹਨ ਤੇ ਇਕ ਅਕਾਲੀ ਹਮਾਇਤੀ ਉਮੀਦਵਾਰ ਜਿੱਤਿਆ ਹੈ | ਇਸ ਤਰ੍ਹਾਂ 16 ਮੈਂਬਰੀ ਸੰਮਤੀ 'ਚ ਕਾਂਗਰਸ ਤੇ ਅਕਾਲੀ ਦਲ ਦੇ 8-8 ਮੈਂਬਰ ਜਿੱਤੇ ਹਨ | ਅਕਾਲੀ ਵਿਧਾਇਕ ਦੀ ਵੋਟ ਨਾਲ ਇੱਥੇ ਸੰਮਤੀ ਚੇਅਰਮੈਨ ਅਕਾਲੀ ਦਲ ਦਾ ਬਣਨ ਦੇ ਆਸਾਰ ਹਨ | ਭੋਗਪੁਰ ਸੰਮਤੀ ਵਿਚ ਕਾਂਗਰਸ ਦੇ 9 ਅਤੇ ਅਕਾਲੀ ਦਲ ਦੇ 6 ਮੈਂਬਰ ਜੇਤੂ ਰਹੇ ਹਨ | ਜਲੰਧਰ ਪੂਰਬੀ ਬਲਾਕ ਮੈਂਬਰਾਂ ਵਿਚੋਂ 5 ਮੈਂਬਰ ਬਸਪਾ ਦੇ ਜੇਤੂ ਰਹੇ ਹਨ, ਇਕ ਅਕਾਲੀ ਤੇ 12 ਕਾਂਗਰਸ ਮੈਂਬਰ ਜੇਤੂ ਰਹੇ ਹਨ | ਜਲੰਧਰ ਪੱਛਮੀ 'ਚ ਕੁਲ 23 ਮੈਂਬਰਾਂ ਵਿਚੋਂ 15 ਕਾਂਗਰਸ ਤੇ 8 ਅਕਾਲੀ ਦਲ ਦੀ ਝੋਲੀ ਪਏ ਹਨ, ਲੋਹੀਆਂ ਖਾਸ 'ਚ ਸਾਰੇ 15 ਮੈਂਬਰ ਕਾਂਗਰਸ ਦੇ ਜਿੱਤੇ ਹਨ, ਜਦਕਿ ਮਹਿਤਪੁਰ 'ਚ ਕਾਂਗਰਸ ਦੇ 12 ਤੇ 3 ਅਕਾਲੀ ਦਲ ਦੇ ਮੈਂਬਰ ਜਿੱਤੇ ਹਨ | ਨੂਰਮਹਿਲ 'ਚ 15 ਮੈਂਬਰਾਂ ਵਿਚੋਂ 9 ਕਾਂਗਰਸ, 2 ਅਕਾਲੀ ਦਲ ਤੇ 4 ਆਜ਼ਾਦ ਉਮੀਦਵਾਰ ਜਿੱਤੇ ਹਨ | ਫਿਲੌਰ ਸੰਮਤੀ ਦੇ 25 ਮੈਂਬਰਾਂ ਵਿਚੋਂ 13 ਕਾਂਗਰਸ, 5 ਅਕਾਲੀ ਦਲ ਤੇ 7 ਬਸਪਾ ਸਮਰਥਕ ਉਮੀਦਵਾਰ ਜਿੱਤੇ ਹਨ | ਸ਼ਾਹਕੋਟ 'ਚ ਸਾਰੇ 15 ਮੈਂਬਰ ਕਾਂਗਰਸ ਦੇ ਜਿੱਤੇ ਹਨ | ਰੁੜਕਾ ਕਲਾਂ ਬਲਾਕ ਦੇ 15 ਮੈਂਬਰਾਂ ਵਿਚੋਂ 12 ਕਾਂਗਰਸ ਤੇ 3 ਅਕਾਲੀ ਦਲ ਨਾਲ ਸਬੰਧਿਤ ਹਨ | ਨਕੋਦਰ 'ਚ 19 ਮੈਂਬਰਾਂ ਵਿਚੋਂ 12 ਕਾਂਗਰਸ, 3 ਅਕਾਲੀ ਦਲ ਤੇ 3 ਬਸਪਾ ਤੇ ਇਕ ਆਜ਼ਾਦ ਜੇਤੂ ਰਿਹਾ ਹੈ | 
ਜਲੰਧਰ ਪੱਛਮੀ 'ਚ ਇਸ ਤਰਾਂ ਰਹੇ ਨਤੀਜੇ 
ਜਲੰਧਰ, (ਹਰਵਿੰਦਰ ਸਿੰਘ ਫੁੱਲ)- ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀ ਜਲੰਧਰ ਪੱਛਮੀ ਹਲਕੇ ਦੀਆਂ ਵੋਟਾਂ ਦੀ ਗਿਣਤੀ ਪਰਮਵੀਰ ਸਿੰਘ ਐਸ.ਡੀ.ਐਮ.-2, ਤਹਿਸੀਲਦਾਰ ਮਨੋਹਰ ਲਾਲ ਅਤੇ ਸੁਪਰਡੈਂਟ ਪਰਮਿੰਦਰ ਕੌਰ ਦੀ ਨਿਗਰਾਨੀ ਹੇਠ ਕੀਤੀ ਗਈ, ਜਿਸ ਵਿਚ ਬਲਾਕ ਸੰਮਤੀ ਦੇ ਸਰਬਸੰਮਤੀ ਨਾਲ ਚੁਣੇ 3 ਉਮੀਦਵਾਰਾਂ ਤੋਂ ਇਲਾਵਾ 20 ਉਮੀਦਵਾਰਾਂ ਦੀ ਕਿਸਮਤ ਦਾ ਫ਼ੈਸਲਾ ਹੋਇਆ | ਬਲਾਕ ਸੰਮਤੀ ਲਈ ਜ਼ੋਨ 1 ਐਇਮਾ ਕਾਜੀ ਤੋਂ ਸ਼ੋ੍ਰਮਣੀ ਅਕਾਲੀ ਦਲ ਦੇ ਸੁਰਿੰਦਰ ਸਿੰਘ ਨੇ 1688 ਵੋਟਾਂ ਪ੍ਰਾਪਤ ਕਰਕੇ ਕਾਂਗਰਸ ਦੇ ਸੁਰਿੰਦਰ ਸਿੰਘ ਨੂੰ 396 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ | ਜ਼ੋਨ ਨੰ. 2 ਕਾਂਗਰਸ ਦੀ ਰਜਨੀ ਬਾਲਾ ਨੇ 1604 ਵੋਟਾਂ ਪ੍ਰਾਪਤ ਕਰਕੇ 318 ਵੋਟਾਂ ਨਾਲ ਆਪਣੇ ਵਿਰੋਧੀ ਅਕਾਲੀ ਦਲ ਦੀ ਊਸ਼ਾ ਰਾਣੀ ਨੂੰ ਹਰਾਇਆ | ਜ਼ੋਨ ਨੰ. 3 ਬੱਲ ਤੋਂ ਅਕਾਲੀ ਦਲ ਦੀ ਲਵਪ੍ਰੀਤ ਕੌਰ ਨੇ 1320 ਵੋਟਾਂ ਪ੍ਰਾਪਤ ਕਰਕੇ ਕਾਂਗਰਸ ਦੀ ਜਸਬੀਰ ਕੌਰ ਨੂੰ 253 ਵੋਟਾਂ ਨਾਲ ਹਰਾਇਆ | ਜ਼ੋਨ. ਨੰ. 4 ਮੌਖੇ ਤੋਂ ਈਸ਼ਵਰ ਚੰਦਰ ਨੇ 1381 ਵੋਟਾਂ ਪ੍ਰਾਪਤ ਕਰਕੇ 22 ਵੋਟਾਂ ਨਾਲ ਸ਼ੋ੍ਰਮਣੀ ਅਕਾਲੀ ਦਲ ਦੇ ਗਿਆਨ ਚੰਦ ਨੂੰ ਹਰਾਇਆ | ਜ਼ੋਨ. ਨੰ. 5 ਰੰਧਾਵਾ ਮਸੰਦਾਂ ਤੋਂ ਕਾਂਗਰਸ ਦੀ ਦੀਪਤੀ ਨੇ ਅਕਾਲੀ ਦਲ ਦੀ ਨਵਪ੍ਰੀਤ ਸੁਰੀਲਾ ਨੂੰ 502 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ | ਜ਼ੋਨ. ਨੰ. 6 ਆਲਮਪੁਰ ਬੱਕਾ ਤੋਂ ਅਕਾਲੀ ਦਲ ਦੇ ਸਰਬਜੀਤ ਸਿੰਘ 1299 ਵੋਟਾਂ ਪ੍ਰਾਪਤ ਕਰਕੇ ਕਾਂਗਰਸ ਦੇ ਸਤਪਾਲ ਨੂੰ 67 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ | ਜੋ.ਨੰ. 7 ਔਰਤਾਂ ਲਈ ਅੰਬਗੜ੍ਹ ਤੋਂ ਅਕਾਲੀ ਦਲ ਦੀ ਬਲਜੀਤ ਕੌਰ ਨੇ 1025 ਵੋਟਾਂ ਹਾਸਲ ਕਰਕੇ ਕਾਂਗਰਸ ਦੀ ਜਗਦੀਸ਼ ਕੌਰ ਨੂੰ 42 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ | ਜ਼ੋਨ. ਨੰ. 8 ਬਾਖੂ ਨੰਗਲ ਤੋਂ ਅਕਾਲੀ ਦਲ ਦੇ ਬਲਵਿੰਦਰ ਸਿੰਘ ਨੇ ਆਪਣੇ ਵਿਰੋਧੀ ਕਾਂਗਰਸ ਦੇ ਕਸ਼ਮੀਰੀ ਲਾਲ ਨੂੰ 398 ਵੋਟਾਂ ਦੇ ਫ਼ਰਕ ਨਾਲ ਹਰਾਇਆ | ਜ਼ੋਨ ਨੰ. 9 ਔਰਤਾਂ ਕਾਂਗਰਸ ਦੀ ਨਿਰਮਲਾ ਨੇ 1104 ਵੋਟਾਂ ਪ੍ਰਾਪਤ ਕਰਕੇ ਅਕਾਲੀ ਦਲ ਦੀ ਕੁਲਵਿੰਦਰ ਕੌਰ ਤੋਂ 251 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੀ | ਜ਼ੋਨ. ਨੰ. 10 ਬ੍ਰਹਮਪੁਰ ਤੋਂ ਕਾਂਗਰਸ ਦੇ ਕਿੰਦਰਜੀਤ ਸਿੰਘ ਤੂਰ 238 ਵੋਟਾਂ ਨਾਲ ਪ੍ਰਾਪਤ ਕਰਕੇ ਅਕਾਲੀ ਦਲ ਦੇ ਪਰਮਜੀਤ ਸਿੰਘ ਤੋਂ ਜੇਤੂ ਰਹੇ | ਜ਼ੋਨ ਨੰ: 11 ਬਿਸਰਾਮਪੁਰ ਤੋਂ ਅਕਾਲੀ ਦਲ ਦੀ ਬਲਜੀਤ ਕੌਰ 1174 ਵੋਟਾਂ ਹਾਸਲ ਕਰਕੇ ਕਾਂਗਰਸ ਦੀ ਸੁਮਨ ਤੋਂ 239 ਵੋਟਾਂ ਨਾਲ ਜੇਤੂ ਰਹੀ | ਜ਼ੋਨ ਨੰ. 12 ਈਸਪੁਰ ਤੋਂ ਕਾਂਗਰਸ ਦੀ ਨੀਲਮ ਕੁਮਾਰੀ 1302 ਵੋਟਾਂ ਪ੍ਰਾਪਤ ਕਰਕੇ ਅਕਾਲੀ ਦਲ ਦੀ ਅਮਰਦੀਪ ਕੌਰ ਤੋਂ 503 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੀ | ਜ਼ੋਨ ਨੰ. 13 ਬਸਤੀ ਇਬਰਾਹੀਮ ਖ਼ਾਨ ਤੋਂ ਅਕਾਲੀ ਦਲ ਦੇ ਕੇਵਲ ਸਿੰਘ 1242 ਵੋਟਾਂ ਪ੍ਰਾਪਤ ਕਰਕੇ ਕਾਂਗਰਸ ਦੇ ਤਰਲੋਕ ਸਿੰਘ ਮੰਡ ਤੋਂ 200 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੇ | ਜ਼ੋਨ ਨੰ. 16 ਸੰਮੀਪੁਰ ਤੋਂ ਕਾਂਗਰਸ ਦੇ ਅਬਿਨਾਸ਼ ਕੁਮਾਰ 1553 ਵੋਟਾਂ ਪ੍ਰਾਪਤ ਕਰਕੇ ਅਕਾਲੀ ਦਲ ਦੇ ਨਛੱਤਰ ਪਾਲ ਅਹੀਰ ਤੋਂ 370 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੇ | ਜ਼ੋਨ. ਨੰ. 18 ਧਾਲੀਵਾਲ ਤੋਂ ਕਾਂਗਰਸ ਦੇ ਸੁਰਿੰਦਰ ਸਿੰਘ 1262 ਵੋਟਾਂ ਹਾਸਲ ਕਰਕੇ ਅਕਾਲੀ ਦਲ ਦੇ ਸਤਨਾਮ ਸਿੰਘ ਤੋਂ 171 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੇ | ਜ਼ੋਨ ਨੰ. 19 ਕੁਰਾਲੀ ਤੋਂ ਕਾਂਗਰਸ ਦੀ ਕਵਿਤਾ 1774 ਵੋਟਾਂ ਪ੍ਰਾਪਤ ਕਰਕੇ ਅਕਾਲੀ ਦਲ ਦੀ ਪਰਮਜੀਤ ਕੌਰ ਨੂੰ 590 ਨਾਲ ਹਰਾ ਕੇ ਜੇਤੂ ਰਹੇ | ਜ਼ੋਨ ਨੰ. 20 ਗੋਨਾ ਚੱਕ ਤੋਂ ਅਕਾਲੀ ਦਲ ਦੀ ਹਰਵਿੰਦਰ ਕੌਰ 1359 ਵੋਟਾਂ ਪ੍ਰਾਪਤ ਕਰਕੇ ਕਾਂਗਰਸ ਦੀ ਬਲਦੀਸ਼ ਕੌਰ ਤੋਂ 214 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੇ | ਜ਼ੋਨ ਨੰ. 21 ਸਰਾਏ ਖ਼ਾਸ ਤੋਂ ਕਾਂਗਰਸ ਦੀ ਰਵੀਨਾ 779 ਵੋਟਾਂ ਹਾਸਲ ਕਰਕੇ ਅਕਾਲੀ ਦਲ ਦੀ ਬਲਵਿੰਦਰ ਕੌਰ ਤੋਂ 234 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੀ | ਜ਼ੋਨ ਨੰ. 22 ਵਿਧੀਪੁਰ ਤੋਂ ਕਾਂਗਰਸ ਦੇ ਪਿਆਰਾ ਲਾਲ 1069 ਵੋਟਾਂ ਹਾਸਲ ਕਰਕੇ ਅਕਾਲੀ ਦਲ ਦੇ ਮੱਖਣ ਸਿੰਘ ਤੋਂ 359 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੇ | ਜ਼ੋਨ ਨੰ. 23 ਵਰਿਆਣਾ ਤੋਂ ਕਾਂਗਰਸ ਦੇ ਅਵਤਾਰ ਸਿੰਘ 693 ਵੋਟਾਂ ਹਾਸਲ ਕਰਕੇ ਅਕਾਲੀ ਦਲ ਦੇ ਤੇਜ ਰਾਮ ਤੋਂ 150 ਵੋਟਾਂ ਦੇ ਫ਼ਰਕ ਨਾਲ ਜੇਤੂ ਰਹੇ |